Uzbekistanda  3 – cü Makom  incäzanaatı halklararası  forumu geçti,  angısında  pay aldılar 83 devlettän 250-ya yakın kultura incäzanaat hem bilim  insannarı.  Moldova devletini  orada  temsil etti akademik Todur Zanet.

III – cü Makom  incäzanaatında  halklararas  forumun süresindä geçtilär konţertlar, bilim — praktika konferenţiyaları, master — klaslar hem yaradıcılık uurunda buluşmalar, angıları adalı  incäzanaat hem kultur balantıların ilerlerlemesinnän devletlerin aralarında. 

Todur Zanet akademik: «III Makom  incäzanaatında  halklararas  forumun süresindä geçtilär bilim konferenţiyaları da. Bän hazırladım doklad, temaya görä: « Kesä süreti gagauz folklorunda, örnek gibi, nicä Makom literatura gagauz filklorundа».

Forumda, ayırı esaba alındı genç çalgıcıların tutturmaları, hep ölä  halklaarası yaradıcılık balantların hem halk muzıkanın ilerlemesi  evat boyaların aarlarında. 

«Lääzım koruma, o kultura ȇlementlerini, angıları taa  kaldılar gagauz folklorunda.  Sölerim Uzbekistan için. Devlet bunun için düşüner, düşüner korumak için bu altın palılıklar için. 700 — 800 yıl bu janraya, Uzbekistan devleti buldu kuvet hem para, koruma deyni  hem geçirmä  evlet boylarına kendi kulturalarını»,- Todur Zanet sayer.

III – cü «Makom»  incäzanaatında  halklararas  forumu,  topladı bireri çalgıcıları, muzikacıları, araştırıcıları hem kultura uzmannarını dünnenin çoyu memleketlerindän. Üüsek uurda toplantı oldu meydan gibi diişmä  bilgilärlän hem ilerletmää halk muzıka paalılıklarını günduusu halklarlan hem merkez Aziyalan. Akademik Todur Zanet sayer, ani alınmış bilgileri  var nasıl kullanma gagauz muzukasında da. 

«Erli alarsaydık, decez te onu, ne bän orada gördüm, onu var nasıl kullanma moldovan kulturanın korumasında, bu sırada gagauzların da. Bän sayerım, ani  kultura ministerlii lääzım üürensin bu bilgileri, da yapma bizdä Gagauziyada ayırı forum gagauz  muzika ȇlementlerina görä, decez — alalım Kadınjayı,  Ar oyunu  hem başka. Alma nesoy sa sat gagauz bölümnerini , angıları yok başka foklorlarda da geçirmää ilk forumu»,- Todur Zanet sayer.

III – cü Makom  incäzanaatında  halklararas  forumun pay alannarı belliettillär halk muzika adetlerini, tanıştılar kolegaların opıtınnan  hem da baktılar ruh kultura palılıkların korumak perspektivalarını.